نادين نسيب نجيم في ردّ مفصّل: “نجاحي من تعبي… ونقطة!”

فن 27 تشرين الثانى, 2020
نادين نسيب نجيم في ردّ مفصّل: “نجاحي من تعبي… ونقطة!”

عبّرت الممثلة نادين نسيب نجيم عن غضبها الشديد من ربط نجاحها بحضور ممثل أو نجم عربي، مشددة على أنّها وصلت الى ما هي عليه اليوم بتعبها وبنعمة من ربّها.
وقالت: “متل العادة كل ما بيكون عندي عمل جديد بسمع هون وهون نفس الأسطوانة “لو ما جماعتنا ولو ما فلان ولو ما السوريين” على اساس انا اللبنانية الوحيدة يلي اشتغلت مع جماعتكم!”.

وتابعت: “كتار اشتغلوا بس الفرق انه مش الكل حصد نفس النجاح لانه بكل بساطة تعبي وجهدي خلال هل السنين وموهبتي هني من صنع ربي ونعمة من ربي وطموحي وإصراري على النجاح بيرجع لمجهود شخصي. وهيدي المهنة بتساع الكل وما بكمّل غير القوي وما بينجح غير الشاطر وشكراً على كل حال لكل حدا مرء بحياتي لانه النجاح بده دعم وبده فريق وبده شركة محترمة وبده كمان شريك ناجح”.
وأضافت: “مع الأسف بعد في ناس بتفكر انه في حدا بالغصب بيقدر يصنع نجاح حدا اذا ما كان بيستاهل. ولو كانت الحياة بهل السهولة كانت كل الناس نجحت بكافة المجالات! الفرص بتجي للكل وحده الشاطر الذكي يلي بيقدر يترك بصمة خاصة ونجاح مستمر والحمدالله على كل شيء أتمنى يكون كلامي نقطة تنهي هل جدل المستمر يلي ما اله اي طعمة غير يخلق حساسيات ومشاكل بين الناس”.

mtv

هل تريد/ين الاشتراك في نشرتنا الاخبارية؟

Please wait...

شكرا على الاشتراك!

انضم الى قناة “هنا لبنان” على يوتيوب الان، أضغط هنا

مواضيع متعلقة: